赛前分析:國體會主場當旺

今晚七場巴甲中，揀來國際體育會主場對華斯高一仗，兩隊上季表現相若，最終排名亦同列中游，但若以兩隊今季州聯賽及巴西盃表現，則以國體會較為出色。今晚國體會佔主場之利，主W賠率分頭唔錯，值得捧場。 

12戰11勝 
 
話國體會佔「主場之利」，真係冇乜講錯，翻查國體會今季州聯賽以及巴西盃的主場數據，十二戰十一勝之餘，共攻入卅二球僅失六球，主場出擊的確值得信賴。雖然華斯高亦係巴西老牌球會，但球會近年管理不善，兼且精神領袖羅馬里奧退休，雖然有另一名將「野獸」艾蒙度加盟，但後者亦年事已高，亦難寄望能撐起華斯高。